Сэвэг зармын зутан шөл
Tibi Admin
2021-03-04
Сэвэг зарам
Сэвэг зарам нь уургаар баялаг хүнсний нэг билээ. Ялангуяа цагаан хоолтон хүмүүсийн хүнсэнд зайлшгүй байх ёстой хүнс гэж үздэг. Төмрийн агууламж их учраас цус багадалтаас сэргийлдэг. Нэг удаагийн идэх хэмжээ нь өдөрт шаардлагатай фолийн хүчлийн 90%-ийг агуулах тул жирэмслэхээр бэлтгэж байгаа болон жирэмсэн эхчүүдэд маш чухал. Тосны агууламж бага, кали их агуулдагаараа цусны даралт ихсэлт болон зүрх судасны өвчнөөс сэргийлнэ. Эслэг агуулах тул ходоод гэдэсний үйл ажиллагааг сайжруулан хавдраас сэргийлнэ. Тиймээс гэртээ дараах сэвэг зармаар хийсэн зутан шөлийг хийж идэхийг Тиби-гийн зүгээс санал болгож байна.
Үнэлгээгүй
Орц, найрлага
Порц
| Цөцгийн тос | |
| Лууван | |
| Ногоон хулуу | |
| Сонгино | |
| Соё соус | |
| Давс | |
| Сүү | |
| Ясны шөл |
Хийх заавар
1.
Бэлтгэх
Сэвэг зармаа 1.5-2 цаг халуун усанд дэвтээж бэлтгэнэ.
Хийсэн
2.
Бэлтгэсэн сэвэг зарамынхаа усыг сайн шүүнэ.
Хийсэн
3.
Ногоонуудаа арилгаж угааж цэвэрлээд жижигдүү хэрчинэ.
Хийсэн
4.
Хийх дараалал
Хайруулын таваг юм уу эсвэл наалдаггүй коструль саванд хийгээрэй. Саваа бага галаар халаагаад цөцгийн тосоо хийнэ.
Хийсэн
5.
Эхлээд лууван, сонгино, ногоон хулуу, сэвэг зарам гэсэн дарааллаар зөөлөн хуурна. Зөөлөн галаар хуурч байхдаа давс, соё соусаараа амтална.
Хийсэн
6.
Ясны бэлэн шөл байвал шууд хийж болно. Байхгүй тохиолдолд ус хийгээд зөөлөн галаар 15-20 минут буцалгана.
Хийсэн
7.
Болсоных нь дараа бүгдийг нь цахилгаан холигчид хийж нэгэн жигд болтол нь сайн холино.
Хийсэн
8.
Бэлэн болсон зутангаа дахин саванд хийгээд сүүгээ нэмж хийгээд 1-2 минут буцалгаж бэлэн болгоно.
Хийсэн
9.
Ногоон сонгино, яншуй, базил зэргээс өөрийн хүссэнийг сонгоод зутангаа амталж болно.
Хийсэн
Сэтгэгдэл бичих