Луувангийн паста

Италийн нэрт хоол болох шпагетиг гэртээ хийж идэхийг хүсвэл доорх зааврын дагуу дагаад хийгээд үзээрэй. Тэжээллэг, амттай хоолоор гэр бүлийнхээ хүмүүсийг баярлуулах хялбар жорыг та бүхэнд хүргэж байна.

Орц, найрлага

• Татсан мах / сонголтоор /
• Лууван
• Сонгино
• Чинжүү
• Ургамлын тос
• Шпагети гоймон
• Давс / Өөрийн амталгаагаар /
• Нунтаг хар перец
• Соё соус
• Цөцгий
• Ногоон сонгино
• Луувангийн нухаш
• Броккли
• Ус

Хийх заавар

1. Лууван, чинжүү, сонгиноо жижиглэж хэрчинэ. Шпагети гоймонгоо усанд чанаж, шүүж бэлтгэсэн байна.
2. Тосоо зөөлөн гал дээр халаасны дараа лууван, сонгино, татсан мах гэсэн дарааллаар хийж хуурна.
3. Үүний дараагаар чинжүүгээ хийж хуурна.
4. Давс болон нунтаг хар перецээр өөрийн амталгаагаар хийнэ.
5. Хоёр халбага соё соус хийж амтлаад, бага зэрэг ус хийж хутгана. Хэдэн минут таглаж жигнэнэ.
6. Үүний дараагаар луувангийн нухашаа нэмж сайтар хутгасны дараа нэг халбага орчим цөцгий хийнэ.
7. Үүний дараа шпагети гоймон болон брокклигоо нэмж хийж хутгаад, хамгийн сүүлд ногоон сонгиноо дээр нь тавиад луувангийн паста маань бэлэн болно.