Броккитой хуурга

Гэртээ хялбар хийж идэх боломжтой брокклитой хуургыг танилцуулж байна. Удаан буцалгах шаардлагагүй, яарсан үед маш хурдан болох эрүүл хоолыг дараах зааврын дагуу хийж гүйцэтгээрэй. 

Орц, найрлага

• Мах / сонголтоор /
• Броккли
• Ургамлын тос
• Сонгино
• Ногоон хулуу
• Цөцгий
• Соё соус
• Давс / өөрийн амталгаагаар /
• Нунтаг хар перец

Хийх заавар

1. Сонгиноо хэрчиж бэлтгэнэ.
2. Хүссэн сонголтын махаа хоол хийх хэмжээгээр хэрчиж, брокклигоо угааж бэлтгэнэ.
3. Зөөлөн гал дээр тосоо халаасны дараа хэрчиж бэлтгэсэн сонгиноо хийж хуурна.
4. Сонгиноо хуурсны дараа махаа нэмж хийж хуурна.
5. Үүний дараа ногоон хулуугаа өөрийн хүссэн хэмжээгээр хэрчиж, хуурч буй махан дээрээ хийгээд бага зэрэг ус нэмээд таглана.
6. 5-10 Минут зөөлөн гал дээр буцалгана.
7. Давс болон нунтаг хар перец амталгаагаар хийнэ.
8. Үүний дараагаар 2 халбага соё соусаар амтална.
9. Бага зэрэг цөцгий хийж хутгана.
10. Хамгийн сүүлд угааж бэлтгэсэн брокклигоо нэмээд 5-10 минут зөөлөн гал дээр буцалгана.