Булгур будаатай шөл

Булгур будаа нь витамин, эрдэс бодис, эслэгээр баялаг будаа юм. Булгур будаа нь эслэгээр баялаг тул шингэц сайтай, биеэс хорт бодисыг гадагшлуулах хоол боловсруулах эрхтний үйл ажиллагааг сайжруулах, ходоод гэдэсний гүрвэлзэх хөдөлгөөнийг дэмжих зэрэг олон олон ашиг тустай хүнс юм.

Орц, найрлага

• 50 г масло
• 1 ш сонгино
• 2ц/х улаан лоолийн нухаш
• 1 ш лууван
• 200 г булгур будаа
• 1 л ус
• 1ц/х хар перец
• 40 г яншуй

Хийх заавар

1. Лууван, сонгиноо жижиглэж хэрчинэ.Хайруулын тавагаа сайтар халааж масло хайлуулна.
2. Сонгиноо маслондоо хөнгөн хуураад, улаан лоолийн нухаш, лууван, булгур будаа хийж хуурна.
3. Үүн дээрээ ус, давс, хар перцээ хийн амтлана.Орцуудаа зөөлөртөл буцалгасаны дараа яншуйгаа нэмээд таны амтлаг хөнгөн шөл бэлэн боллоо.