Сүүний шим тэжээл

Сүүнд уураг, өөх тос, нүүрс ус, амин дэм, эрдэс бодис гээд хүний биед хэрэгтэй бүхий л шимт бодис агуулагдаж байдаг. Нэг үгээр бол төгс хүнс юм.  Сүүний бас нэг үнэт чанар бол түүнд агуулагдах кальци юм.  Насанд хүрсэн хүний биед 1 кг хүртэл кальци байдаг ба үүний 99% нь ясанд байна. Кальци бүхий л эд эрхтний үйл ажиллагааг зохицуулдаг. Үүнд:  • зүрх судас • дархлааны тогтолцоо • цусны бүлэгнэлт • булчингийн агшилт сулралт • цусан дахь холестерин болон глюкозын хэмжээ зэрэг орно.  Кальцийн дутагдлаас болж маш олон төрлийн өвчин, үүний дунд яс сийрэгжих, артерийн даралт ихдэлт, атеросклероз болон чихрийн шижин зэрэг үүсэхэд нөлөөлдөг.