Ямар тараг сонгох вэ?

Хүнсний дэлгүүрүүдэд таргийн сонголт олон байгаа. Сонголтоо хийхдээ дараах зүйлсийг анхаараарай.

Таргийн гол нь орц нь ердөө сүү, хөрөнгө байдаг. Ямар хөрөнгө ашиглаж байгаагаас хамаарч тухайн тарагт ямар ашигтай бактери байгааг мэдэж болно.

Үйлдвэрийн ихэнх тарагт Str.thermophilus, L.bulgaricus, Bifidobacterium зэрэг сонгомол цөөхөн бактериар өсгөвөрлөсөн байдаг. Тэгэхээр аль болох олон төрлийн бактери агуулсан сонгох нь эрүүл мэндэд ашигтай.

Харин бидний уламжлалт тарагт дээрх 3-н бактериас гадна маш олон төрлийн бактериуд олон тоогоороо агуулсан байдаг. 

Гэвч өвлийн цагт бүрсэн тараг ховордсон үед бид үйлдвэрийн таргаас л сонголт хийнэ. Гол зүйл нь  чихэргүй, элдэв жимсний амттайг сонгох хэрэггүй. Цэвэрээр нь ууж сураарай.