Гүзээний ороомог

Дотор махнаас хамгийн онцгой нь гүзээ юм. Түүнд уураг 14-15 хувь, өөх тос 4,2 хувь агуулагддаг байна. Бидний гүзээний үс гэж нэрлэдэг хөхлөгүүдэд олон төрлийн аминдэм, эрдэс бодисууд байдаг. Үстэй гүзээ, цоохор сархинаг, салбант сархинаг идвэл дархлаа сайжирч, цус төлжин, яс бэхжиж, арьс үс, хумс уян хатан болдог байна.

Орц, найрлага

• 500 г гүзээ
• 600 г мах
• 120 г сүүл
• 1 ш лууван
• 1 ш сонгино
• 200 г манжин
• 1 ц/х давс

Хийх заавар

1. Гүзээгээ маш сайн зумлаж, сайтар угааж цэвэрлээд дутуухан чанана.
2. Хальсалж угаасан манжин, лууван, дутуу чанасан хонины сүүл махыг жижиглэн хэрчээд, сонгино, давсаар амтална.
3. Бэлтгэсэн мах ногоогоо дутуу болгосон гүзээндээ хийгээд амсрыг нь сайтар боогоод жигнүүрт тавьж 25-30 минут жигнэж болгоно.
4. Энэхүү ороомгийг төрөл бүрийн ногооны салаттай хачирлаж идэхэд тохиромжтой.