Тахианы махан зутан

Тахианы махан зутан шөл нь ходоодонд ачаалал өгөхгүй, шингэц сайтай уургаар баялаг хоол билээ. Мөн зажилах эрхтний бэрхшээлтэй хүмүүст идэхэд хамгийн тохиромжтой хоол юм. 

Орц, найрлага

• Тахианы мах
• Лууван
• Сонгино
• Гурил
• Сүү
• Броккли
• Ногоон сонгино
• Масло
• Давс
• Нунтаг хар перец
• Ус

Хийх заавар

1. Тахианы мах, лууван, сонгино, броккли зэргээ жижиглэн хэрчинэ.
2. Халсан тогоондоо масло хийж хайлуулаад лууван, сонгино, тахианы мах гэсэн дарааллаар хуураад дээрээс нь шөл болгох хэмжээгээрээ ус нэмж хийн 5-10 минут буцалгана.
3. Шөлөө буцалгасны дараа давс, нунтаг хар перецээ хийнэ.
4. Үүний хажуугаар 100 гр усанд гурилаа хийж хутгаад буцалж буй шөлөндөө хийнэ. Хийхдээ сайтар хутгаад, өтгөртөл нь буцалгана.
5. Дараагаар нь сүүгээ болон брокклигоо хийгээд хамгийн сүүлд ногоон сонгиноо хийнэ. Ингээд тахианы махан зутан шөл маань бэлэн боллоо.